ភ្នំពេញ៖ គណៈកម្មការអន្តរក្រសួង ប្រយុទ្ធនឹងជម្ងឺកូវីដ-១៩ បានសម្រេចដាក់ឱ្យមាននូវសេវាកម្មកក់សណ្ឋាគារចំនួន ២ សម្រាប់អ្នកដំណើរជាតិ និងអន្តរជាតិ ដែលធ្វើដំណើរចូលមកកាន់ប្រទេសកម្ពុជា តាមច្រកអាកាសយានដ្ឋានអន្តរជាតិភ្នំពេញ ហើយមានបំណងចង់ស្នាក់នៅសណ្ឋាគារផ្សេង ក្រៅពីទីតាំងដែលកំណត់ដោយអាជ្ញាធរមានសមត្ថកិច្ច អំឡុងពេលធ្វើចត្តាឡីស័ក ១៤ថ្ងៃ។ សណ្ឋាគារចំនួន ២ ដែលទទួលបានការអនុញ្ញាតដោយក្រសួងសុខាភិបាលនោះរួមមាន សណ្ឋាគារ សុខា ភ្នំពេញ (Sokha Phnom Penh Hotel) និងសណ្ឋាគារ ខថយ៉ាត ម៉ារីយ៉ត ភ្នំពេញ (Courtyard by Marriott)។

ក្នុងសេចក្តីប្រកាសព័ត៌មាននោះដែរ ក៏បានបញ្ជាក់ថា អ្នកដំណើរជាតិ និងអន្តរជាតិ ដែលមានបំណងចង់ប្រើប្រាស់សេវាកម្មស្នាក់នៅសណ្ឋាគារដែលបានកំណត់ទុកនេះ អាចធ្វើការកក់តាមរយៈគេហទំព័រផ្លូវការរបស់សណ្ឋាគារទាំងពីររួមមាន www.sokhahotels.com.kh/phnompenh/ ឬ ​ www.Courtyardphnompenh.com  យ៉ាងហោចណាស់ ២ថ្ងៃ មុនការចេញដំណើរមកកាន់ប្រទេសកម្ពុជា។ យ៉ាងណាក៏ដោយ សម្រាប់អ្នកដែលមិនចង់ប្រើប្រាស់សេវាកម្មនេះ លោកអ្នកក៏អាចទទួលនូវវិធានការអនុវត្តសុខាភិបាលដែលមានស្រាប់ជាធរមាន ដោយត្រូវតម្កល់ប្រាក់ត្រឹម ២,០០០ដុល្លារ សម្រាប់ធានាចំណាយសម្រាប់ដំណើរការធ្វើចត្តាឡីស័ក និងត្រូវធ្វើចត្តាឡីស័កទៅតាមទីតាំងដែលកំណត់ដោយអាជ្ញាធរមានសមត្ថកិច្ច។

សម្រាប់ព័ត៌មានលម្អិត សូមអាននូវសេចក្តីប្រកាសព័ត៌មាននៅខាងក្រោម៖